19

ബെ​ർ​ലി​ൻ: മ​ധ്യ ജ​ർ​മ​നി​യി​ലെ ഹെ​സെ സം​സ്ഥാ​ന​ത്തി​ലെ വീ​സ്ബാ​ഡ​ൻ ന​ഗ​ര​ത്തി​ൽ നി​ന്ന് 15 വ​യ​സു​കാ​ര​ൻ പൊ​തു​ഗ​താ​ഗ​ത ബ​സ് മോ​ഷ്‌​ടി​ച്ച് ക​ട​ന്നു​ക​ള​ഞ്ഞു. ത​ന്‍റെ 14 വ​യ​സു​കാ​രി​യാ​യ കാ​മു​കി​യെ​യും ഒ​പ്പം കൂ​ട്ടി​യാ​ണ് കൗ​മാ​ര​ക്കാ​ര​ൻ 150 കി​ലോ​മീ​റ്റ​ർ ദൂ​രം ബ​സ് ഓ​ടി​ച്ച് മ​റ്റൊ​രു സം​സ്ഥാ​ന​മാ​യ ബാ​ഡ​ൻ-​വു​ർ​ട്ടെം​ബ​ർ​ഗി​ലെ കാ​ൾ​സ്റൂ​ഹെ​യി​ൽ എ​ത്തി​യ​ത്.

വെ​ള്ളി​യാ​ഴ്ച രാ​വി​ലെ വൈ​സ്ബാ​ഡ​നി​ലെ ബ​സ് ഡി​പ്പോ​യി​ൽ നി​ർ​ത്തി​യി​ട്ടി​രു​ന്ന ഇ​ന്ധ​നം നി​റ​ച്ച ബ​സാ​ണ് കു​ട്ടി ക​ട​ത്തി​യ​ത്. ബ​സു​ക​ളു​ടെ മാ​സ്റ്റ​ർ കീ ​ഉ​പ​യോ​ഗി​ച്ചാ​ണ് പ​ത്താം ക്ലാ​സു​കാ​ര​ൻ വ​ണ്ടി സ്റ്റാ​ർ​ട്ട് ചെ​യ്ത​ത്.

ഇ​ത്ര​യും ദൂ​രം പി​ന്നി​ട്ട ബ​സ് കാ​ൾ​സ്റൂ​ഹെ​യി​ൽ വ​ച്ച് പോ​ലീ​സ് പ​ട്രോ​ളിം​ഗ് സം​ഘം ത​ട​യു​ക​യാ​യി​രു​ന്നു. പ​രി​ശോ​ധ​ന​യി​ലാ​ണ് ഡ്രൈ​വിം​ഗ് സീ​റ്റി​ലി​രി​ക്കു​ന്ന​ത് 15 വ​യ​സു​കാ​ര​നാ​ണെ​ന്ന് ക​ണ്ട് ഉ​ദ്യോ​ഗ​സ്ഥ​ർ ഞെ​ട്ടി​യ​ത്.

രാ​വി​ലെ ത​ന്നെ ബ​സ് ഡി​പ്പോ​യി​ൽ നി​ന്ന് കാ​ണാ​താ​യ വി​വ​രം ജീ​വ​ന​ക്കാ​ർ ശ്ര​ദ്ധി​ച്ചി​രു​ന്നു. എ​ന്നാ​ൽ ഏ​തെ​ങ്കി​ലും ഡ്രൈ​വ​ർ മാ​റി എ​ടു​ത്ത​താ​കാം എ​ന്ന നി​ഗ​മ​ന​ത്തി​ലാ​യി​രു​ന്നു അ​ധി​കൃ​ത​ർ. ഉ​ച്ച​യോ​ടെ​യാ​ണ് ബ​സ് മോ​ഷ്ടി​ക്ക​പ്പെ​ട്ട​താ​ണെ​ന്ന് സ്ഥി​രീ​ക​രി​ച്ച​തും പോ​ലീ​സി​ൽ വി​വ​ര​മ​റി​യി​ച്ച​തും.

ബ​സി​ന് കേ​ടു​പാ​ടു​ക​ളൊ​ന്നും സം​ഭ​വി​ച്ചി​ട്ടി​ല്ലെ​ന്ന് അ​ധി​കൃ​ത​ർ അ​റി​യി​ച്ചു. ബ​സ് തി​രി​കെ ഡി​പ്പോ​യി​ൽ എ​ത്തി​ച്ചു. ക​സ്റ്റ​ഡി​യി​ലെ​ടു​ത്ത 15 വ​യ​സു​കാ​ര​നെ മാ​താ​പി​താ​ക്ക​ളെ ഏ​ൽ​പ്പി​ച്ചു.

ലൈ​സ​ൻ​സി​ല്ലാ​തെ വ​ണ്ടി​യോ​ടി​ച്ച​തി​നും മോ​ഷ​ണ​ത്തി​നും കു​ട്ടി​ക്ക് എ​തി​രേ ക്രി​മി​ന​ൽ ന​ട​പ​ടി​ക​ൾ ആ​രം​ഭി​ച്ച​താ​യി പോ​ലീ​സ് അ​റി​യി​ച്ചു. കു​ട്ടി​ക്ക് മാ​സ്റ്റ​ർ കീ ​എ​ങ്ങ​നെ ല​ഭി​ച്ചു എ​ന്ന​തി​നെ​ക്കു​റി​ച്ച് അ​ന്വേ​ഷ​ണം ന​ട​ക്കു​ക​യാ​ണ്.